VEGANA.GAL 2024

A Iniciativa Lexislativa Popular (ILP) “Non é a miña cultura”, impulsada por AnimaNaturalis, traballa para conseguir as 500.000 sinaturas necesarias antes de tres meses para prohibir a tauromaquia. María José Martínez (mestra de primaria, vegana e activista de AnimaNaturalis) e Ramón Vallés (Integrador Social, Creador escénico e escritor, activista Lgtb e vegano), coordinadores da ILP en Madrid, explicarán en VeganaGal a importancia deste movemento e as maneiras de apoiar a súa causa. A palestra “Como acabar coa tauromaquia en España” terá lugar o domingo 27 de outubro ás 10:30 horas e é unha chamada á acción para rematar cos espectáculos taurinos no país.

Esta actividade é posible grazas á colaboración do Concello de Vigo e da empresa Lush, que apoian un futuro sen violencia animal.

Que acontecería se os matadoiros tiveran paredes de cristal? Esta pregunta cobra nova relevancia con Mauricio García Pereira, quen, tras sete anos de traballo nun matadoiro en Limoges, Francia, expuxo publicamente o maltrato animal extremo que viviu de primeira man. No ano 2017, Mauricio denunciou ao maior matadoiro municipal de Francia, desvelando a violencia intrínseca do sistema cárnico.

Na súa charla en Vegana.gal, Mauricio falará sobre a súa experiencia e os intereses que manteñen oculta esta realidade. É unha oportunidade para achegarse á súa testemuña e reflexionar sobre os impactos do consumo de carne na sociedade.

A feira Vegana.gal conta co patrocinio do Concello de Vigo e a empresa de cosmética natural Lush.

Aitor Sánchez, recoñecido dietista-nutricionista, tecnólogo alimentario e divulgador, estará en Vegana.gal para desmentir mitos sobre a alimentación vexetal na charla “Mitos da alimentación vegana”. A través desta palestra, que terá lugar o sábado 26 ás 18 h., Sánchez abordará temas como a suficiencia proteica nas dietas vexetais, a necesidade de suplementos e a posibilidade dunha alimentación vegana en adolescentes.

A súa experiencia como divulgador a través do perfil @midietacojea e dos proxectos @viagetal, @foodmarket, @centroaleris e @sinrecetaweb ofrece unha valiosa perspectiva sobre nutrición vexetal.

Este evento conta co apoio do Concello de Vigo e da empresa de cosmética natural Lush, cuxo compromiso co veganismo e a sostibilidade se reflicte na súa colaboración.

“Mi metamorfosis con Clotsy Brand” é a historia de Ángela Gómez, co-fundadora de Clotsy Brand, quen en 2020 decidiu crear unha marca de moda sostible e ética. Fundada en Valencia por un equipo moi novo e comprometido, Clotsy presenta unha liña de roupa minimalista, cómoda e coidadosamente deseñada, que reflicte os valores do veganismo e do coidado medioambiental.

O sábado 26 ás 16 h. Ángela compartirá co público de Vegana.gal o seu percorrido persoal desde consumidora de moda rápida ata emprendedora dunha marca que aposta por prendas xustas e respectuosas co medio ambiente. O seu proxecto medrou da man de Vegana.gal, e esta charla é unha oportunidade para coñecer a evolución da firma.

Este evento é posible grazas ao Concello de Vigo e Lush.

Marc Coloma é o fundador de Heura, unha das empresas pioneiras en ofrecer alternativas vexetais á carne con gran sabor e calidade nutricional. Xunto co seu equipo, Marc impulsou un cambio na industria alimentaria, poñendo ao alcance de todos produtos que contribúen a reducir a pegada ambiental e a acabar co sufrimento animal.

A súa intervención en Vegana.gal estará centrada nos retos, aprendizaxes e vitorias da súa traxectoria como emprendedor en defensa dun futuro máis sostible. Unha oportunidade para coñecer a fondo a visión e misión de Heura.

Vegana.gal 2024 conta co patrocinio do Concello de Vigo.

Ética Animal é unha organización sen ánimo de lucro que promove unha ética global e inclusiva, defendendo o benestar de todos os seres, independentemente da súa especie. Fundada por activistas cunha profunda vocación filosófica e social, a organización leva anos traballando en proxectos educativos, campañas e investigacións sobre o sufrimento dos animais na natureza e nas explotacións.

Na súa intervención en Vegana.gal, Olaia Freiría, coordinadora da asociación, ofrecerá unha visión renovadora das prácticas pedagóxicas que poden axudar a garantir unha vida digna e libre de sufrimento para todos.

A feira Vegana.gal é un evento patrocinado polo Concello de Vigo e Lush.

Águeda Ubeira é unha das fundadoras de Vanetta Food, unha Startup que nace en 2023 co obxectivo de contribuír a crear unha alimentación sostible, vexetal e cunha elevada achega proteica. Os seus fundadores Águeda Ubeira e Manuel Vila desenvolveron a primeira fábrica de carne baseada en vexetais en Galicia para ofrecer produtos que non existen no mercado, cunha orientación á canle B2B. Ademais son a alternativa esperada na restauración actual: alternativas ao sector cárnico sen ser nuggets, salchichas ou hamburguesas. Actualmente teñen en desenvolvemento un proxecto Biotech orientado á canle sénior para adaptar proteínas vexetais cara a todas as necesidades tales como a absorción de nutrientes, carencias vitamínicas etc.

E é que o desexo de Águeda é crear pratos saborosos sen crueldade animal levaron a Águeda a explorar novos ingredientes vexetais e métodos de cociñado. Na súa demostración culinaria en Vegana.gal, patrocinada polo Concello de Vigo, Águeda mostrará como a cociña vexetal pode ser unha verdadeira obra de arte.

Beflamboyant é unha marca de calzado sostible que naceu en Galicia co propósito de ofrecer un produto ecolóxico, vegano e de alta calidade. Con materiais reciclados e deseños ergonómicos, esta empresa aposta por un calzado que respecta o medio ambiente sen comprometer a estética e a comodidade. Na súa charla en Vegana.gal, programada para o domingo 27 ás 16 h. e apoiada polo Concello de Vigo, Tatiana González contará a historia deste proxecto, os desafíos da ética no calzado e a importancia de apoiar a economía local.

Tatiana, confundadora e CEO da marca ten un compromiso claro: transformar a moda nunha forza de impacto positivo, redefinindo o futuro cara a unha industria máis consciente, respectuosa e sostible. Na súa palestra falaranos do concepto de calzado Barefoot, do seu impacto sobre os nosos pés, da transición cara a este calzado, da estética que vemos e de todo o que non vemos pero si sentimos. “En 2019, naceu Beflamboyant, que non é só unha marca de calzado vegano e sostible; é un movemento. Queremos que as persoas vexan máis aló do estilo e se decaten do impacto real das súas eleccións de consumo.”

O mundo dos queixos vexetais non pode ser máis apaixonante, e nesta edición traemos ao recoñecido cociñeiro portugués Daniel Pereira Ramiro, máis coñecido en redes como @vegancheese.lover, quen nos guiará a través dun Showcooking para descubrir este fascinante ámbito.

Na nosa cociña, a creación de sabores, aromas e texturas que imitan os queixos tradicionais é posible grazas á variedade de queixos veganos caseiros. A charla incluirá unha presentación sobre a diversidade de queixos vexetais, seguida dunha demostración de como elaborar un queixo vegano fermentado untable. Para finalizar, os asistentes poderán degustar un queixo vegano curado durante máis de 9 meses, unha verdadeira exclusividade na península.

Patrocinado polo Concello de Vigo e a empresa de cosmética natural Lush.