VEGANA.GAL 2024

A nutrición vegana para animais é posible

Explorando o efecto Veganuary e a súa influencia

Desmitificando a crianza vegana desde un enfoque sociolóxico

A cuarta edición da feira Vegana.gal celebrarase os días 26 e 27 de outubro en Vigo, cun programa cheo de actividades que abrangue dende o activismo e a gastronomía, ata espazos especializados para a infancia e unha zona B2B para profesionais. Este evento anual consolídase como o principal encontro vegano en Galicia, reunindo proxectos sostibles e emprendedores que promoven un estilo de vida respectuoso cos animais e co planeta.

• Outro dos pratos fortes desta edición é a presenza de Mauricio García Pereira (o sábado 26 ás 19:00 h), coñecido polo seu activismo tras destapar a crueldade dos matadoiros en Francia, quen ofrecerá a charla ‘Se os matadoiros tiveran paredes de cristal’. Mauricio, extraballador do matadoiro municipal de Limoges (o máis grande de toda Francia), exporá o sufrimento dos animais nos matadoiros, un testemuño impactante que busca concienciar sobre a urxencia de mudar o sistema alimentario. A súa historia de loita, superación persoal e compromiso co activismo non deixará indiferente a ninguén.
• Rocío Cano, socióloga e activista, presentará o sábado 26 ás 12:00 a charla ‘Crianza vegana desde unha perspectiva sociolóxica’. Cano achegará unha reflexión profunda sobre o impacto social e cultural da crianza vegana, explorando os retos e as oportunidades que esta decisión implica para as familias que buscan criar nun entorno respectuoso cos animais e o medio ambiente.

Unha feira para todos os públicos: xeral, infantil e sector profesional

Por suposto, a gastronomía tamén será un dos puntos clave da feira, cunha serie de showcookings que demostrarán que a cociña vegana non ten límites. O sábado, Marc Coloma, fundador de Heura Foods, liderará unha demostración culinaria baixo o título ‘A realidade oculta do sistema alimentario e que facer para mudalo’, mentres que Águeda Ubeira, de Vanetta Foods, presentará a súa visión sobre como ‘Reinventar a cociña tradicional’ o domingo.

Ademais, o público infantil contará cun programa especial, que inclúe Peque Ioga, contacontos, obradoiros creativos como a elaboración de monicreques reciclados e un espazo para xogar en familia con actividades divertidas como o circo de @atipicocirco. Este ano tamén se ofrecerán sesións de Mini Vegan Chef para que os máis pequenos se familiaricen coa cociña saudable.

Para os profesionais do sector, haberá un espazo B2B facilitado pola axencia de comunicación Mardy Bum, onde se impartirán charlas especializadas, como ‘Constrúe unha marca con personalidade no sector vegano’ e unha sesión de ‘speed dating’ o sábado 26, que conectará proxectos emerxentes con empresas consolidadas. O domingo, a charla sobre marketing de influencers para marcas veganas axudará a proxectos emprendedores a potenciar a súa presenza nas redes sociais e a achegarse a un público máis amplo.

Espazos de lecer e puntos de información

Na feira Vegana.gal tamén teñen cabida o lecer e a información. Esta edición repetirase o exitoso Skeirrum de hai dous anos, unha zona interactiva que ofrecerá diversión para os máis atrevidos. Ademais, haberá un punto de información nutricional a cargo de Nutricoles, onde os asistentes poderán resolver dúbidas sobre nutrición baseada en vexetais durante todo o día. Así mesmo, haberá a disposición do público unha libraría co máis selecto da temática para as diferentes idades. Este espazo contará coa presentación de libros e sinaturas de autoras como Rocío Cano, Cristian Alonso (@lapastanoengorda), Manel García @addictedtohumus) ou Miquel Cuenca (@elveganomarrano). Tamén se habilitará un espazo con actividades de xogo libre para bebés, co obxectivo de ofrecer unha experiencia accesible e cálida para familias.

A feira pecharase o domingo 27 ás 20:00, tras dous días de aprendizaxe, activismo e celebración dun estilo de vida vegano e sostible.

Lush, patrocinador e protagonista nos obradoiros

A marca Lush, coñecida polos seus produtos cosméticos éticos, é un dos patrocinadores principais desta edición. Lush ofrecerá varios obradoiros tanto para adultos como para os máis pequenos. Entre as súas actividades destacan os obradoiros de automasaxe, que se celebrarán ambos os días, e un divertido obradoiro de bombas de baño para nenos, unha excelente oportunidade para aprender a crear produtos naturais dun xeito lúdico.

Un evento cun forte apoio institucional

A feira Vegana.gal conta co apoio do Concello de Vigo e de Lush como patrocinadores principais, consolidando a súa relevancia como evento de referencia no activismo vegano e na promoción dun estilo de vida ético e sostible.

O evento se botará o peche o domingo 27 ás 20:00, tras dous días de aprendizaxe, activismo e celebración dun estilo de vida vegano e sostenible.

Unha mañá chea de experiencias en Vegana.gal

Cada experiencia en @vegana.gal é única e irrepetible. Algunhas persoas veñen polas charlas, outras para degustar a gastronomía vegana, e moitas buscan reencontrarse con vellos amigos. Propoñemos cinco actividades que poderías gozar este sábado pola mañá:

Consulta a programación completa nas redes de @vegana.gal 💛

Patrocinado polo Concello de Vigo e a empresa de cosmética natural Lush.

A proxección contará coa presenza de Oscar Horta, filósofo e activista en defensa dos animais, e permitirá ao público descubrir en exclusiva a programación da feira Vegana.gal.

O equipo de Vegana.gal aproveitará este evento para desvelar en exclusiva a programación completa da cuarta edición da feira, que se celebrará os días 26 e 27 de outubro no IFEVI de Vigo. O público asistente descubrirá as actividades e charlas previstas, nunha oportunidade única de coñecer de primeira man un dos eventos máis importantes do movemento vegano na península.

Para acompañar o evento, o equipo de Vanetta Food ofrecerá uns petiscos que supoñen unha alternativa vexetal ao sistema agroindustrial que denuncia o documental. Unha mostra de que é posible gozar da gastronomía sen sufrimento animal, cunha proposta ética, sostible e saudable.

Este pase especial será o punto de partida dun mes vegano en Vigo, que culminará coa celebración da cuarta edición da feira Vegana.gal, un encontro patrocinado polo Concello de Vigo onde todo tipo de proxectos, santuarios e público asistente unirán as súas forzas para promover unha cultura de respecto aos animais e ao planeta.

A 4ª edición da feira Vegana.gal, que terá lugar os días 26 e 27 de outubro no IFEVI, Vigo, non só será un punto de encontro para a sostibilidade e o veganismo, senón tamén un espazo de celebración da arte militante e activista. O evento deste ano destaca, entre outras cousas, pola súa aposta por incorporar a arte como ferramenta de transformación social, facendo un chamamento á reflexión sobre o noso papel na protección dos animais e o medio ambiente.

Por último, e aínda que non poidan estar presentes fisicamente na feira, Rafa Doctor e Estela de Castro «si que o estarán en certo modo». Rafa Doctor é un recoñecido comisario de arte, fundador do Espacio Uno do Museo Reina Sofía e exdirector do MUSAC, cunha ampla traxectoria vinculada á promoción da arte contemporánea. Pola súa parte, Estela de Castro é unha destacada fotógrafa e activista, coñecida polos seus retratos de figuras emblemáticas da cultura e a sociedade española, incluíndo a Familia Real.

Doctor agasallou á feira unha serie de «Monsters for Animals«, obras únicas creadas por el mediante a intervención de fotografías de Estela de Castro. Cada unha destas pezas, exclusivas e irrepetibles, estará á venda na feira e os beneficios irán directamente destinados ás asociacións animalistas e santuarios que participan en Vegana.gal, reforzando así o compromiso coa protección animal.

Vegana.gal, feira que conta co patrocinio do Concello de Vigo, convídanos non só a reconsiderar o noso consumo, senón tamén a reflexionar sobre como a arte pode ser unha ferramenta poderosa para o activismo e a transformación social. A feira promete ser unha mestura inspiradora de creatividade, sostibilidade e militancia, que non deixará indiferente a ninguén.

A importancia da participación cidadá nas decisións políticas

Para garantir un futuro máis xusto e sostible, é fundamental que as administracións públicas promovan estratexias a longo prazo que respecten a todas as especies e o benestar animal. Non podemos permitir que as presións de sectores tradicionais sigan freando o cambio.

Por iso, precisamos da vosa axuda. Este evento non é só unha feira, senón unha plataforma de transformación. A participación activa da cidadanía é clave para demostrar que hai outra maneira de avanzar.

Agradecemos ao Concello de Vigo o seu apoio á feira. Con este xeito demostra ser unha institución máis innovadora que outras entidades ligadas a modelos tradicionais. Sabemos que, xuntas, podemos acadar un cambio real na nosa sociedade.

Colabora cos santuarios e mellora a calidade de vida dos animais